White House security director Crede Bailey cu Covid 19 ruangah a Vorhlam Ke le a Kehlam Kezungpi tansak a si thu a rualṭha Dawn McCrobie in a rel suak.
Kum 54 mi Crede Bailey cu kum 2020, October thla thok lam in Covid 19 nat a kai thok tiah theih a si nan, tu ah, a rualṭha mipakhat cun September thla thok lam in a damlo zo thu a relsuak ih tuamhlawm enkol pehzomnak ding hrang le Siizung bill pek ding hrang, GoFundme hmangin sum a khong sak a si.
Bomdilnak GoFundme ahcun “Crede in Covid 19 natnak a do suak zo. Asinan cuih natnak ruangah a Vorhlam Ke le Kehlam Kezungpi a sung phah a si” tiah an ngan.
Thla 3 sung Siizung ah tuamhlawm a si hnu ah a damcak vivo ih, tu ah damlam pan vivo in mina tungdingtersalnak innpi ah enkol a si hrih.
NEWS: Crede Bailey was most severely ill among dozens of cases known to be connected to WH. “Crede beat COVID-19 but it came at a significant cost: his big toe on his left foot as well as his right foot and lower leg had to be amputated,” friend says.https://t.co/MRz2XpsPKu
— Jennifer Jacobs (@JenniferJJacobs) December 14, 2020
Bomdilnak GoFundme ahcun $50,000 tumtahmi si in tarlang a siih tu ah $50,059 bomnak an dong zo a si.
Crede Bailey damlonak thuthawn pehpar in Businessinsider in White House ṭuanvonei hnen ah sutciangnak a nei nan White House lam in an let lo.
Tudinhmun ah US ramhuap in Covid 19 mina 16.6 million hmuhsuah a si zo ih White House thawn pehparawknak neimi minung 50 vuakvel in Covid 19 nat an nei ve a si.