US-cozah in Kawlrammi Ramtawi minung 16 thubuai tuah sak

US, Missouri ramkulh sungih ramtawitu Karen rammi minung 16 cu sa kap siannak rikhiahmi hnak ih tamsawn an kap ruangah hmunram neitu cozah lam in thubuai tuah sak in cawhkuan hremnak an pe tiah theih si.

Current River Conservation Area kiangkap ah nihnih sung ram an tawi ih Thiahlei an kap that tamtuk ruangah a hmutu pawl in ram kiltu hnen ah an sim thei ih ramkulh cozah in thubuai tuah sak in September 22 ah cawhkuan hremnak an pe tiah US hrambun media ṭhenkhat in an tarlang.

Report a um veten Missouri ramhumvennak lam ih ṭuanvonei Brad Hadley le Eric Long in check felnak an va nei ih kah that mi Thiahlei 417 lak ihsin kah hleifuan pum 151 cu thuṭhen zungih suahpi dingin an ret ṭha.

“Missouri ramkulh daan ah mipakhat in nazi 24 sungah Thiahlei 10 lawng a kap that thei ih nihnih sungah 20 lawng kap sian a si. Atucu an kutsung ah Thiahlei 471 rori a um ruangah ramkulh daan pahbal ti`n daantatnak nei sak an si” tiah CRCA ih ṭuanvonei mipakhat cun a rel.

US ramsung ah rikhiah nei in ramtawi caan an ong ṭheu ih cuih caan baak lo ih sa kap le sa kap sian caan ih rikhiah hnakih tam kaptu cu daan vekin an hrem ṭheu a si.

Leave a Reply

Your email address will not be published. Required fields are marked *