US Tlawnginn ih kah that mi a nupi zuun ngai ah Lungkuai in a thi

Leitlunpi hnintertu rapthlakza US, Texas Tlawnginn kahawknak ih nunnak liam, cazirhtu Irma Garcia ih pasal Joe Garcia cu a nupi zuun tuarin tlawngkai nili ah heart attack in a thi.

Mr. Garcia, kum 50, cu Tlawnginn hmai ih a nupi hngilhlonak cross phunmi a haal ih, inn a thleng sal hnu ah rinlopi a thi tiah a tupa John Martinez in media hnen ah a sim.

“Tlawngkai nili zinglam ah pangpar kengin Tlawnginn a va haal ih inn a thleng hnu ah heart attack in a thi. Thil hmuahhmuah hi mitṭhepkaar ah a cang thluh ih tutiang zum thiam a har. Manglam tla a bang” tiah a ti.

Joe Garcia le Irma Garcia (kum 46) cu innsang an din nak kum 30 a ti zik thlang ih fanau 4 thawn khawsa an si. Upabik hi kum 23 a si ih midang cu kum 20 kim hrih lo hlir an si.

Kum 20 lenglo tlawng sayama ṭuanzotu Irma Garcia thih thu thawn pehpar in “ka rel sal men khalah ṭap loin ka um thei lo. Palik pawl Tlawnginn sung an lut cu a ṭang ah nauhak pom phah, nunnak cem cia in an hmu. A duhdawtmi a Tlawngta pawl hum in nunnak a hlan” tiah John Martinez cun a rel.

Leave a Reply

Your email address will not be published. Required fields are marked *