Ukraine MI-24 helicopter 2 in Russia ziinaan khawlnak an kap puak

Ukraine ramri ih um Belgorod khua, ziinaan khawlnak hmunpi cu Ukraine raldo vanzam 2 in tuizing April 1 zing khawvang zawngah an kap puak ti`n Belgorod cozah in thu an suah.

Russia thuthang, Moscow Times khalin Belgorod cozah in ziinaan khawlnak an kap sak thu a nemhnget tiah a tarlang nan ziangvekcin siatralnak a um timi cu an ngan tel lo.

Ukraine MI-24 helicopter tiih tarlangmi raldo vanzam 2 in Russia ramsung a luhcilh lai video cu online ah thlah darh a si ih video ah ziinaan khawlnak an kap puak lai a lang.

Ukraine ramri thawn peng 18 hrawng a hlat nak hmun, Belgorod khua ah Russia ralkap khamnak um lo in ziangtin Ukraine vanzam a thleng thei timi cu Russia lam in simfiahnak an tuah lo.

Ukraine-Russia buainak thlirtu mithiam pakhat cun “anti-air defense nei cingin Russia ramsung ah ziangtin Ukraine helicopter a lut thei timi cu khawruah har za a si. Miṭhen cun nasa nawn in Ukraine ciilnuai an duh ruangah an mah Russia cozah in Lem an cang mi a si thei tiah an rel” a ti.

Tuṭum hi tuhlan kum 70 luan zo ih, Korea ralpi a tho hnu, Vanzam thawn Russia kap an tuar hmasabik ṭumkhatnak a si.

Leave a Reply

Your email address will not be published. Required fields are marked *