Ukraine ralkap in Lamlak ihsin Russia ralkap an ciilnuai

Ukraine special forces (SSO) ralkap in kan dung bai ih Russia ralkap an ciil nuai nak zuk pawl cu Tlawngkai ni 4 zingah Ukraine cozah in online ah an thlah darh.

Russia ralkap fehtumnak an thei cia ih Donbas region feh nak ding hrang hmun remcang Lilawn hnuai ah bomb an kam cia ṭhepṭhep ih, Russia ralkap pawl cuih hmun an thleng veten bomb an ti puak.

Bomb an puah nak lilawn cu mawṭaw feh thei lo ding khawpin a siat thluh nan an bat mi Russia raldo mawṭaw phunphun a siat thluh hlei ah bomb puak nak ih him dam Russia ralkap pawl khal an thinfai thluh.

“Kan Special Operations Forces ralkap pawl in ralhraang pawl ruat ban lo nak ding hmun ah bomb an rak kam cia ṭhepṭhep.”

“Bomb kam nak ah an mah Russia technology kan hmang tel. Lilawn an thleng veten bomb tipuak a si ih ralthuam phurtu mawṭaw le Raldonak mawṭaw telin mawṭawtlar rorin an puak siat thluh” tiah General Staff mipakhat in UST hnen ah a sim.

Tuhlan khalah Russia ralkap fehtlang thei lo dingin Ukraine ralkap pakhat cun thihcilh rorin Lilawnpi bomb thawn a puah siat dah a si.

Tuṭum Lilawn an puah mi thu ah Russia ralkap ziangzat an thi ti cu tarlang a si lo nan mawṭaw le a thluntu zaten thianfai an si thluh.

Leave a Reply

Your email address will not be published. Required fields are marked *