Ukraine cozah in Russia ralkap an siim lai Video kimciangin thlah darh

Sanman meithal ralthuam hmangin ramkhat le ramkhat doawknak hi a thu lawngin kan ṭhei ṭheu nan, Russia-Ukraine buainak boruak ah kan hmu dah lo mi raldonak phunphun atakin kan hmu rero zo.

Ukraine cozah siseh, Russia lam khalin doawknak video tamzet an thlah zo ih, atu khalah Ukraine cozah cun Kharkiv khuapi kiangih Russia ralkap an do lai video famkim cu online ah an thlah darh.

Ukraine cozah thlahmi doawknak original video tanglam ah zoh …..

Tarlangmi video cu Kharkiv khuapi kiangih Russia ralkap an do lai “operation” famkim a si ih drone thawn an zuk mi siseh, ralkap pawl ih camera thawn zuk ngah mi zaten an kom khawm.

Ukraine-Russia doawknak an thok hnu, mission pakhat famkim ih zuk khawmmi online ih thlah darh hmasabik a si ih Ukraine cozah in official in YouTube ah an thlah mi a si.

An do mi Russia pawl hi cozah ralkap hlir siloin paisa pek ih hlanmi raldo thaim tivek an tel ih, an hman mi meithal pawl khal sanman meithal ralthuam hlir an si.

Ukrainian Ministry of Defense thusuah vek a si le hih doawknak ah Russia lam ralkap 70 hrawng an thi ti a si ih, nung dam in ralkap 27 an kai.

Ukraine lam khalah hriam tuar le mithi an um nan, Ukrainian Ministry of Defense in thuhla cipciar a suah lo.

***Himi video hi “restrictions” tel loin Youtube in channel dang ah a thlah siang lo. Doawknak famkim cu an mah Ukraine cozah lawng a thlah siang ih, YouTube ih a thlah duhtu Channel dang cu edit hnu lawngah “restrictions” bun telin an thlah siang***

An edit bet mi le mirang ca thawn an sim fiang betmi tanglam ah na zoh thei ……

Leave a Reply

Your email address will not be published. Required fields are marked *