Thailand bazaar kaang ah Kawlrammi hnaṭuan pakhat a thi

Thailand, Bangkok bazaar kaang ah nunau le mipa pakhat an thi ih mipatu sawn cu Kawlrammi a si.

Amah hi plastic thilri zuarnak dawr ih hnaṭuan a si ih, an dawr sangka lam a kaang besia ruangah leng suak thei loin an dawr ih hnaṭuanve Thailand rammi nunau pakhat thawn meisa in a kaang that.

June 26, Bangkok, Sampeng bazaar inn kaang thok dan hi transformer puakkuai nakin a thok mi a si ih hliam tuar 10 hrawng an um.

“Meisa tha control nak Transformer ihsin puakkuainak a suak ih a kaang thok. Rinlopin a puak ih inn lam ah a kaat cak zet.”

“Meisa cu an phal thei nan dawr ih hnaṭuan kum 35mi Kawlrammi pakhat le Thailand rammi kum upalam nunau pakhat an thi. Dawr luh nak lam a kaang ruangah innleng suak thei loin an nunnak a liam” tiah Bangkok Governor Chadchart Sittipunt in media hnen ah a sim.

Meikaang ah inn lawng siloin inn hmai ih mawṭaw tivek khal a kaang telih, Transformer puakkuai ruangah a kaang thok ti a si nan cozah lamin daan pangai vekin zirzoinak an nei tum tiah theih a si.

Leave a Reply

Your email address will not be published. Required fields are marked *