Sweden ram ih Sexy Hnawmpung in Mipi a hiip zet

Sweden ram, Malmö khualaili ih tohmi Hnawmpung cu hnawm an thun tikah mipi hiip dingin sexy zet mi nunau aw an suakter.

Hnawm an hlon tikah “zamrangten ra kir sal aw la tuah sal aw, aw .. aw … kha nah ciah si na fuh tuk, aa thei ding khawpin a nuam, Ooooh … yeah na fuh, hmmmm … run ti bet aw” ti`n sexy zetin Sweden ṭong thawn nunau aw an suakter.

Hnawmpung cu Malmö cozah in Khawlaili ah a ret hrim mi a si ih, hnawm hlon laifang, Hnawmpung a ai lai video tawi cu online ah thlah darh a si ih mipi rel a hlawh zet.

Dangdai zetmi hnawmpung an tuah nak san cu lamzin ah hnawm hlawn men lo dingin mipi hiip dingih an tuah hrim mi a si.

Lamzin thawn pehparmi khawsung cozah ṭuanvonei Marie Persson in “Zinpi, hmunruak, Tipi tivek ah hnawm hlawn men lo dingin khawsung thianfainak hrang kan mang cio thei nak dingah kan tuah mi a si.”

“Nunau aw kan hmang mi khal hi ramsung mihminthang pakhat ih aw a si. Amah in rem a ti lo ruangah a hmin cu ka rel lo ding” tiah a ti.

Internet cahmai ih Video tawi darh mi ah comment a tam zet ih, mipakhat cun “mipa aw khal tuah bet sehla a fuh sinsin ding” a ti.

Sexy Hnawmpung cu a lawmtu an um bangin nunau sinak ziang an siar lo zia a lang titu khal an um ve thung.

Leave a Reply

Your email address will not be published. Required fields are marked *