Russia cozah TV in Ralthuam phurtu an Lawngpi umnak hmun a pho lang pang

Kan dung baite ah Ukraine ram ih raldotu Russia ralkap mithi/mihlo 10,000 lenglo an um zo thu, Russia cozah thuthang pakhat in a pho lang ngah pang ih, ralkap thi/hlo umtuklo vekih relawtu Russia cozah cu leitlun mipi in hnihsuahsai nakah an hmang.

Tukhalah, Russia cozah news channel Zvezda cun Russia ralthuam pawl Ukraine ram ih phurlut tuding “Orsk” Lawngpi umnak a pho lang ngah pang ih an Lawngpi cu Black Sea tipikap ah an siat sak.

Tarlangmi video cu Ukraine thawn pehparmi thu relkhawmnak r/Ukraine (Reddit) internet cahmai ah an thlah ih Russia ṭong theitu pawl cun Ralthuam phurnak “Orsk” Lawngpi umnak a rel tiah an sim.

Lawngpi cu Russia kut ih um Ukraine ram, Berdyansk khua, Lawngcolhnak tipikap ih a kaang hluhhlo lai video cu March 24 ah online ah an thlah darh.

Namhnget hrihlomi thuthang ṭhenkhat cun Ukraine ralkap pawl in Tochka ballistic missile thawn an kap puak mi a si tiah an tarlang.

Ukraine cozah khalin Russia Lawngpi a siat thu official in an phuang zo nan a siat nak san cipciar in an phuang tel lo.

Leave a Reply

Your email address will not be published. Required fields are marked *