Robot in Chess lek lai ah Nauhak kutzung a khiak
Russia ram, Moscow Chess lek zuamawknak ah Robot in Chess lek zuamtu nauhak kum 7mi kutzung a khiak sak.
Kandungzarh ih thil cang a si ih, mani lam lawngah thuthang pawl ah thlah darh a si ih Robot in nauhak kutzung a naam kiak lai video cu online ah a lar zet. Tanglam ah zoh ………
Jesus… A robot broke kid‘s finger at Chess Tournament in Moscow @elonmusk @MagnusCarlsen
There is no violence in chess, they said.
Come and play, they said. https://t.co/W7sgnxAFCi pic.twitter.com/OVBGCv2R9H
— 🆁🆄🆂🆂🅸🅰🅽 🅼🅰🆁🅺🅴🆃 (@russian_market) July 21, 2022
Chess lek zuamawtu hi hmin tarlang lomi nauhak kum 7mi le Robot an si ih, Robot cang` caan a kim ih, a cang ṭheh veten nauhakpa a cang ve ciah ah a kut a nam sak.
A nat tuar lo ah Ke thlir in a au nasa nan Robot in a thlah lo ruangah kiangkap um pawl in an bawm hnu lawngah a kutzung an dir suak thei sal.
“Duun le Daan a um thluh ih nauhakpa hin daan a thlun lo ruangah hivek thil a cang mi a si. Amah caan a kim ciah ah malte hngakta lo in a ṭhawt cih lohli. Alekpi Ceet a si bangin Robot cun tuah ding an fial mi vekin a cangvaimi a si. Nauhak le upa a thleidang thiam lo” tiah nauhak kutzung kiak thu ah Moscow Chess Federation vice-president Sergey Smagin in media hnen ah a sim.
Chess robot breaks seven-year-old boy's finger during Moscow Openhttps://t.co/rUC1SMuCuQ
— BBC Scotland News (@BBCScotlandNews) July 24, 2022
Moscow Chess Federation president Sergey Lazarev khalin “Robot in a kutzung a khiak, a zia lo nasa. Robot hi mita kan hlang cawp a si ih tuhlan khalah hmun dangdang ah voitampi hmang zomi a si.”
“Nauhakpa a cang ih, ciamciamten Robot caan hngak dingmi a si. Nan, a hmanhmawh tuk, culai ah Robot in a kut a nam. Hitiih Robot a cangvai mi thu ah kan nih in zianghman kan theihpi lo” tiah a rel ve.
Nauhakpa cu tuamhlawm a si ih Chess zuamawknak tawp tiang a tel ṭento thei tiah Russia thuthang Tass news agency in a tarlang.
