Rannung ihsin suakmi Pulhnat in Russia le Mongolia cozah thinphangter
Mongolia ram ah 14th century lai ih minung 50 million thattu pulhnat thawn pehparawmi natnak nei, mi pahnih hmusuak a si.
Thiahlei vek a simi rannung sa einak ihsin a suakmi natnak a siih natnak nei 2 cu Mongolia-Russia ramri ah quarantine in ret an si.
Natnak neitu cu mipa kum 27 le nunau pakhat an siih Khovd, Mongolia’s National Center for Zoonotic Disease in test nak a nei hnu ah pulhnat “marmot plague” a si tiin Moscow Times in a phuangmi a si.
Natnak nei an hmuhnak hmun cu zohman lutlo dingin cozah in a kham ih natnak kaitu thawn pehzomawnak neitu mipum 146 pawl khal test nak an nei ih cupawl thawn pehzomsinnak neitu mipum 504 pawl khal an hawl hmusuak a si.
NCZD ṭuanvonei mi pakhat cun, “natnak kaai mipa sawntu cu a besia zet” tiin a sim ih Thiahlei vek rannung ih paaimi natnak a si ruangah an sa pawl eilo ding khalin mipi hnen ah ralrinak a pek a si.
Mithiam pawl cun hi natnak cu 14th century lai ih mipum 50 million thattu pulhnat thawn pehzawmawknak nei mi a si ih tu san tiang a hloral thei hrih lo. Himi natnak thawn Kum 1 ah minung 2000 hrang an thi ringring a si tiin an sim.
Covid – 19 tlun ah hitivek ih natthar hmuhsuak a si ruangah cozah lam an thin a phang ngaingai ih ramsung harhdamnak zunglam pawl hnen ah, emergency meeting nei dingin le natnak karhzailo dingin a tawlrelter a si.
ref:MoscowTimes,IT
