Ralthuam phurtu Russia Lawngpi an kap puak
Russia kut ah a um zo mi Ukraine ramsung, Berdyansk khua, Lawngcolhnak tikap ih Russia ralthuam phurtu Lawngpi cu Ukraine ralkap pawl in an siat sak thu an phuang ih a puak kaang lai video an thlah cih.
Ukraine nisuahnak thlanglam ih um Berdyansk khua cu Russia ralkap in Ukraine an luhcilh hnu, a ni 4 nakah an la mi a si ih Ukraine ramsung cangvainak ah an hmang ṭangkai zet.
Russia Lawngpi an siat sak mi ah ziangvek thil pawl a um ti cu tarlang a si lo nan, kan dung zarh lam ah Russian state news agency TASS in 1,500 tonnes thilri phur theitu Russia ralthuam phur lawngpi cu Berdyansk lam pan in a pok tiah an phuang.
Russia media ṭhenkhat ih tarlangmi Ralthuam phur Lawngpi
Video of the Black Sea Fleet’s Orsk Project 1171 large landing ship offloading BTR-82A vehicles in Berdyansk. https://t.co/G2RaJM1DaL pic.twitter.com/S21wCfcIbO
— Rob Lee (@RALee85) March 21, 2022
Russia cozah TV thuthang thlahtu Zvezda khalin Tank 20 le raldo mawṭaw 40 phur theitu Russia Lawngpi cu Berdyansk lam pan in a pok suak tiah an rak phuang dah.
Ukraine ralkap in Russia Lawngpi an kap puak ah mithi ziangzat an um ti cu fiangfai in theih a si lo ih, Lawngpi a kaang thu le a kiang ih Lawng fate 2 a hngor ban thu, Ukraine media in an tarlang a si.
