Putin ih nupiduat pahnihnak relhnakhmun pholang

Russia President Vladimir Putin nupi pahnihnak Alina Kabaeva (kum 38) le fanau 4 pawl cu Putin in Switzerland ram a thup hai thu, “Hram” pakhat in Page Six hnen ah a sim.

“Putin in mawh nei lo Ukraine mipi a ciilnuai lai ah a nupi fanau pawl cu Switzerland private hmun him pakhat ah a ret hai.”

“Fapa 2, Switzerland ih piang fanu phirkhat le a fala/nupi Alina Kabaeva an si ih an fa le pawl cu Swiss passport an nei thluh. Innsangnu khal a nei ka zum” tiah rintlak tiih tarlangmi “Hram” pakhat cun Page Six hnen ah a sim.

Lehpannak pakhat a si mi “Gymnastics” thawn Olympic Sui tacik rak ngah dahtu Alina Kabaeva le Putin hin fanau 4 an nei ti a si nan, innsang thu relsuak dahlotu amah Putin cun fa an nei thu a rel dah lo.

Asinan amah thawn naivaitu le nauneinak sizung hnaṭuan pawl cun fapa 2 le nunau phirkhat an nei tiah an sim.

Putin hin a nupi hmasa thawn fanau 2 a nei ih, Ukraine-Russia buainak boruak ah a innsang zaten hmun him dangdang ah a kuat thluh tiah thuthang a suak a si.

Leave a Reply

Your email address will not be published. Required fields are marked *