Pursum tuahnak hrangah Covid 19 dokhamsii voi 90 lenglo dawtzotu German Putar

Covid – 19 vaccine dawtnak caken ngah duh ah kum 60mi Germany putar pakhat cu voi 90 lenglo Covid dokhamsii a dawt.

An ram Daan le Dun ruangah hmin tarlang lomi putar cu Magdeburg khuami a si ih, thla teelin hmun dangdang ah Covid dokhamsii a dawt vivo.

Covid – 19 Vaccine dawt mi batch number pawl thawn caken an suah sak mi cu Vaccine dawt duhlo pawl hnen ah a zuar sawng.

“Vaccine dawtnak caken a neitu pawl lawng khawtlang mipi hnen tlanlen a theih ih a dawt duhlo pawl in paisa pekin natkhamsii dawtnak caken an lei”.

“Eilenburg vaccination center ah ni zawnzawn in a ra ih, vaccine dawtnak caken thawn pursum a tuah mi an thei suak. Hmun dangdang ah natkhamsii voi 90 lenglo a dawt zo” tiah Eilenburg vaccination center ih hnaṭuan mipakhat in German news agency dpa hnen ah a sim.

Amah cu palik in an kai hrih lo nan, siidawtnak ca a kol mi an long ih a thuhla cipciar zirzoinak an nei lai ti`n amahcun a rel bet hrih.

Amahvek Covid 19 dokhamsii dawttamtu an um hrih lo ruangah a taksa par ah ziangtin hna a ṭuan ding timi cu Doctor pawl khalin an rel thei lo.

Leave a Reply

Your email address will not be published. Required fields are marked *