President Volodymyr Zelenskyy thusuah cu mipi lakah ngaih dan a bang aw lo

Ukraine President Volodymyr Zelenskyy cun rampi humvennak hrangah kah-do thiam ramsung Thawngtlak pawl suah dingin tuizing February 28 thuphuangnak a nei.

Asinan mipi lakah hmuh dan dang an um ih, cupawl cun kan ring thei ngai pei maw ti`n thusutnak an nei ve.

“Cozah dinhmun le Daan lam zawngin vun ruah cun thuthluknak tuah har zet a si. Nan, kan ram hrang a thupibik mi humvennak hrangah ti`n thuthluknak kan tuah. Atui` kan mawmawhbik cu rampi humven hi a si” tiah Ukraine President cun a ti.

“Martial law hnuai ah, atakih kah-do thiam thawngtlak pawl suah an si ding. Humvennak hrangah ramsung boruak sosangbiknak hmun pawl ah kuat an si dingih an sualnak/mawhnak cu rampi humvennak thawn an ruul ding” tiah President Volodymyr Zelenskyy cun a ti.

Volodymyr Zelenskyy cun thawngtlak pawl suah ding thu a rel rualin European Union sungtel ah Ukraine telter lohli dingin dilngennak a nei cih a si.