President Biden in US mipi a Hnem

Ukraine-Russia boruak ah atufang Leitlun mipi ṭihphanbik pakhat cu “Nuclear ralpi a tho pang ding” tihi a si ih, thulengvak ruangah thinphang lo dingin President Biden in US mipi a hnem.

Ukraine-Russia thubuai ah nitlaknaklam ram pawl khamhremnak tuar thei loin Russia President Putin cun ramsung Nuclear ralthuam pawl ralring cia dingin February 27 ah thu a suah.

Nan ngam ceng cun ti`n President Putin in Ukraine lamṭang ram pawl le leitlun pawlkom picang pawl ziang a siar lo zia a ti lang mi a si ih, Leitlunhuap Nuclear ralthuam neitambik an si bangin nitlaknak ram pawl thawn an kapaw pang cun leitlunpi a siat thulh ding tiah ruah a si.

Nuclear ralpi sim lo, 2011 ih Nuclear accident a suak nak hmun Fukushima cu tuhnu kum 100 tiang minung um nak ding a tlak nawn lo ih datkhu sia hlir a khat ti`n Japan cozah in thuthannak an rak nei dah…..

Cuvek dinhmun a si ruangah “US ram in Nuclear raltho ding kan phan a ṭul maw” ti`n WhiteHouse thurelkhawm nakah President Biden an suat ih, amahcun “No” ti`n a let.

WhiteHouse in Putin thusuah hnu relote ah ziangtik hman ah Nuclear ral thoter ding a si lo thu, Nuclear ralpi a tho pang cun nehnak cotu tivek a um thei lo thu siseh, Russia khalin cuvek ruahnak a nei ve thu le ziangtik hman ah Nuclear ral thoterlo dingin lungkim hminkhennak an nei zo thu …. tivekpawl an phuang zo a si.

Leave a Reply

Your email address will not be published. Required fields are marked *