Peru ram ih Christmas Ni hmandan Danglam

Kumkhat voikhat tuah a si ṭheumi puai picang deuh hi Leitlun hnam tinkim deuh thaw in kan nei tlangpi ih kan hman dan belte a bangaw lo.

Peru ram Chumbivilcas Provice ih um pawl khalin ropi zet ih an hman ṭheumi Takanakuy timi kumkhat voikhat tuahmi puai ropi an nei.

Cuih puai cu December thla ah an hmang ih Lam le thil phunphun zuamawknak an tuah. Hmaikhuh, hnipuan mawi hruk in Lamnak phunphun thawn zarhkhat sung nuam an ceen.

Takanakuy timi cu “khat le khat vuak thawi aw” tinak a siih a san vek ciahin December 25 Christmas ni ah Upa, nauhak, mipa, nunau ti um lo, a duhduh sualawk a theih.

Cuih ni ahcun khuami pawl cun an inn-hnen, sungkhat, unau ti um loin an par ih siatnak tuahtu siseh, tlangval/fala cuhsaktu le an huat mi venghnen tvk cu sualaw dingin an ngair thei.

Daan le Duun hnuai ih khawsa cu an si nan miṭhen cun an par ih thilsual/ṭhalonak tuahtu cu cozah hnen ah thlen loin an thinlung ah an khawl ih, cuih thinhengnak hmuahhmuah cu Christmas ni ah an ti puakkuai.

Sualawnak cu kaphnih lungkim in an tuahmi a si ih nauhak, upa, nunau, mipa ti um lo, a ngamngam cu an sualaw thluh. An sualaw ṭheh hnu ah kumkhat sung an khawlmi thinhengnak hmuahhmuah cu hngilh thluhin thinlungthar thawn kumthar an hmang sal a si.

***Repost via Ethuthang

Leave a Reply

Your email address will not be published. Required fields are marked *