Oscar Puaipi ah Will Smith in A nupi ṭongsantu Chris Rock a Beng hlukhli

Patling, Nutling deuh hlir lawng an sawm ṭheu mi Lemcang thiam pawl lawmman peknak 2022 Oscar puaipi ah Lemcang le hlasakthiam Will Smith in capohsaithiam Chris Rock a beng.

Oscar puaipi kaihruaitu Chris Rock in Will Smith nupi a capoh ih innsangpa tuar thei loin Chris Rock thu rel rero lai ah hmai ah a va suak ih rinlopin a Beng.

A tonak a va kir saal hnu ah na Kaa borhhlawh khan kan nu hmin rel hlah tiah Will Smith in annsia a barh bet.

Will Smith nupi Jada Pinkett Smith hi damlonak ruangah a sam a tlok ih, a Lukolh cu Chris Rock in copohsai nakah a hmang.

Chris Rock in kum 1997 ih zuknung G.I.Jane cangtunu Lukolh thawn tahṭhim in copoh a sai mi cu Will Smith in a rak tuar na ih supawthei loin Chris Rock thu rel lai cu hmai ah suakin a va beng hlukhli.

Mipi in capoh ah an ruat lawk nan a tonak ih a va kir saal hnu ah “Keep my wife’s name out your f**king mouth” ti`n Will Smith in a hei oh cu mipi an dai thluh. Chris Rock cun mithmaisianak nei hran loten “awle” a ti ih a thu rel mi a rel pehzom.

An buainak cu atu internet cahmai ih mipi relhlawhbik thuthang a si ih mipi lakah hmuhdan phunphun a suak.

Mi natnak copohsai nakih hman cu a cii lo titu an um bangin Will Smith a luarkai tuk. Tayacuai tlak a si titu an um ve thung.

Lemcanthiam lawmman pekmi ah Will Smith in “King Richard” zuknung thawn Best Actor sunloihnak a dong ih ṭap phah in lungawithu a sim. Pitlinghlir hmanmi puaipi ah mawilozetin a cangvaimi thuthawn pehparin Oscar hnen ah ngaidam a dil nan, a beng mi Chris Rock hmin a saal tel lo.

An buai thu ah Chris Rock in thubuai zianghman a tuah tum lo ti`n US palikzung ihsin thu an suah ve.

Leave a Reply

Your email address will not be published. Required fields are marked *