Nuam men ih to mi Ceet par ihsin Kum 14 mi a tla that

March 25 : US ram, Florida, Orlando ih nauhak nuamceennak icon park ah vanduainak tongin Ceet (Free Fall ride) par ihsin kum 14 mi Tyre Sampson a tla that.

Amah hi Missouri ih um a si ih a rualpi tei` sungkhat pawl thawn Florida ah an tlawng ih nauhak nuamceennak park ah cangsual in a nunnak a liam a si.

An to mi Free Fall ride cu feet 430 hrawng a sang ih an ṭum lam, leithuai an thlen hlan ah rinlopin Tyre Sampson cu a tla.

 

View this post on Instagram

 

A post shared by PPV_TAHOE (@ppv_tahoe)

A tlak lai le an to mi Ceet a kai so hlan ih zuk mi video tawi cu online ah a darh.

Ceet a kai so hlan minute 5 hrawng duh ih zuk mi video ah kiangkap naivai pawl in seatbelt a hnget le hnget lo zoh ciang dingin an forhfial lai ṭong thawm thei a theih.

 

View this post on Instagram

 

A post shared by PPV_TAHOE (@ppv_tahoe)

Tarlangmi video ṭhaten kan ngai a si le Ceet a kai so ciah ah mipakhat in “Kehlam ih seatbelt na ceek maw? Seatbelts, seatbelts” tiih a ouh thawm kan thei thei.

Ceet a kai so ih a ṭum lam leithuai a thleng hlan ah vansiatthlak takin suakthuan tleirawl kum 14 mi cu a tlak ih a nunnak a cem a si.

Cangsualnak thawn pheparin palik in thuhla felfai zirzoinak an nei tiah theih a si.

***Video zoh na duh nan, a lang thei lo a si le “Watch on YouTube” timi kha hmet aw….

Leave a Reply

Your email address will not be published. Required fields are marked *