Nigeria Biakinn kiang ah Minung 30 lenglo cilnuai that

Nigeria, Port Harcourt, Kings Assembly Church kiangah miburpi an cilaw ciamco ruangah nauhak tamsawn telin mithi 30 luan an um.

Zarhteni May 28 ah Kings Assembly Church hohanak thawn miharsa hrang thil hlu mi zemkhawm an tum lai ah mipi tam luar in an pahaw ciamco tiah Nigeria’s Civil Defense Corps ṭuanvonei Olufemi Ayodele in a rel.

“Biaknak lam cangvaihnak a si ih Polo club kiangah a lak in thil zem am tum. Mipi an tam luar ih an engaw ciamco ruangah mi 30 lenglo an cilnuai that. Atamsawn cu nauhak an si” tiah amahcun a rel.

Ramkulh palik spokeswoman Grace Woyengikuro Iringe-Koko khalin “thil an zem thok hrih lo. Gate an khar lai. Cuticingin mipi an tulaw ciamco ih nauhak tamzet an thi. Atutiangah mithi 31 an um ti`n kan thei” tiah a ti.

Mithi 31 an um thu nemhnget a si zo ih hriam tuar amalbik 7 an um. Cupawlcu siizung ah tuamhlawm an si ih, buainak thuhla felfaiter dingin Nigeria palik in hmalaknak an nei rero lai a si.

Leave a Reply

Your email address will not be published. Required fields are marked *