“Meta” timi hmin cu Company dang in an rak hmang zo, Thu umdan a buai thluh

Mark Zuckerberg in Facebook, Inc. hmin a thleng ding thu a phuang hlan, August thla lam ah “Meta” timi hmin cu company dang pakhat in a rak hmang zo ih an company official hmin si dingin cozah hnen ah trademark register khal an tuah zo tiah thuhla zirzoitu TMZ in a tarlang.

“Meta” timi hmin hmangtu cu Arizona hrambun laptops, mobile, tablets le tech software tivek zuartu company an si ih an company hmin cu “Meta PC” ti a si.

Company an din nak hi kum 1 luan hrawng a rei zo nan “Meta” tiih company hmin register an tuah cu tubaite hrawngah a si. Register an tuahnak document ca poimawh pawl hmu thluhtu TMZ cun “register cu an tuah zo nan officcial in an pom hrih lo” tiah a tarlang.

Facebook hmin “Meta” tiih an thleng mi thu thawn pehpar in Meta PC co-founders Zack Shutt le Joe Darger cun “kan mah in kan hmang hmaisa. Zuckerberg in $20 million tal in pe lo cun kan company hmin kan zuar theilo” tiah TMZ hnen ah an sim.

Facebook CEO Mark Zuckerberg in “Meta” ti`n company hmin an thleng ding thu a phuang lai ah Meta PC company cun hlawknak an rak hmuve phah thluh ih, an social media channels cu zaṭek 5,000% rorin follower an paṭha phah thluh.

Leave a Reply

Your email address will not be published. Required fields are marked *