Longpar puakkuai meikaang ah Kawlrammi Chief Engineer pakhat a thi

April 16 ah HongKong tipar ih thil phur Lawngpar ah puakkuainak a suak ih hriam tuar 5 hrawng an um hlei ah Kawlrammi Chief Engineer U Win Naing Soe a thi ti`n မြန်မာပင်လယ်ကူးသင်္ဘောသား pawlkom sungtel mipakhat in a rel.

“Generator a puak ih kaangmei a suak. Chief Engineer U Win Naing Soe a thi ih hrimtuar besia kan rammi mipakhat a um. Atuhi lukhawngman le vanduainak tongtu hrang bawmnak an ngah dingmi tawlrelsak rero an si” tiah amahcun a ti.

Hong Kong Maritime Rescue Coordination Center thusuah dan ah Longpi a kaang lai ah HongKong thawn peng 186 hrawng hlatnak tipar ah a um ti a si ih, kaangmei cu an phal thei saal tiah cozah media a simi Radio Television Hong Kong in a tarlang ve.

Puakkuainak le meikaang ruangah mi pakhat thi in hriam tuar 6 an um. Besia cuang 4 an um ih Siizung lam tlanpi lohli dingin HongKong cozah in Helicopter a kuat ti`n RTHK cun a tarlang.

Hriam tuar lakah Indonesia le Myanmar rammi an tel ih, Ziinan le Chemical phurtu Longpi cu Taiwan lam a pan lai ah puakkuainak a suak mi a si.

Ramsung LNK media cun mithi hi Kawlrammi Chief Engineer U Win Naing Soe si`n a tarlang nan, ramleng media pawl cun zo a si ti le a hnaṭuan tivek an ngan tel lo.

Leave a Reply

Your email address will not be published. Required fields are marked *