Italy ram Vur Tlang cim in Mi 6 hrut that, Mitampi an hlo

July 3 ah Saklam Italy ram ih Alpine vurtlang ṭhenkhat a ciim ih Tlangparkai amalbik mi 6 a hrut that ih, hriam tuar 8 hrawng um in mihlo 15 lenglo an um.

Vurhlangh beuh nak hmun hi saklam Italy ram Dolomites Tlangtluan ih Tlangsangbik a si ih trourist pawl Tlangpar kainak zin khal a si.

Vurhlangh beuh mi cun leilung le Lungto pawl a hrut cih ih a cim fang ah thawmvang a ring zet ti`n emergency services ṭuanvonei Michela Canova in AFP hnen ah a sim.

“Hridai thawn diraw phah, Tlangpar kai an um lai ah a si ih miṭhenkhat cu Vur, Vurkhal le Lungto pawl in a hrut pet. Hriam tuar 2 cu Belluno siizungpi ah kan kuat. Besia pakhat cu Treviso ah le mi 5 pawl cu Trento ah kan kuat” tiah amahcun a rel ih “Tlangparkai mi pa ziat an um ti cu kan thei ciang lo” a ti.

Italy cozah in Tlang kiangkap Veneto region ih mibawm hnaṭuan hmuahhmuah a thlah thluh ih, Helicopter khalin siseh Uifim pawl hmangin mihlo an hawl.

Vurhlangh tumpi a beuh nak san hi Vur thawn pehparmi mithiamsang pawl cun nikhua hlum an puhmawh ih, a dang pawl a beuh bet ding an phang zet ti`n Italy news agency AGI in a tarlang.