Hminthang Steven Seagal cu Russia ralkap lakah a tel ti`n thuthang suak
Atufang leitlunhuap thuthang lar pakhat cu Ukraine luhcilhtu Russia ralkap lakah mihminthang Steven Seagal a tel ve ti hi a si.
Uniform thawn meithal kailai Steven Seagal zuk cu online ah a darh ih “leitlunhuap Intelligence agencies pawl in Russia special forces lakih telve Steven Seagal cu Kyiv khawpi kiang vanzam tualrawn ah Russsia ralkap thawn an cangvai lai an hmu” ti`n an tarlang.
Online ih zuk darh cu CNN hmin thawn tarlang a si ih miṭhen cun tuah cawp a si tiah an rel.
Yahoo khalah Zuk lem a si tiah an tarlang nan, Steven Seagal le Russia pehzomawknak an nei timi cu el theih a si lo.
Thuphan rel le porhaw hmang, US ram mi Steven Seagal cu Putin thawn rualṭha an si ih “atutiang ih nungdamlai Leitlun hruaitu turubik a si” titiangin Putin a porh. (Steven Seagal thuphan relmi na theih duh le hinah hmet …… The Untold Truth Of Steven Seagal
Russia cozah in 2016 ah rammi sinak an pek ih, a rualṭha Putin party sungtel khalah a lut hngehnge.
Steven Seagal @sseagalofficial, who is a Russian citizen, has been appointed as a special representative of the Russian Foreign Ministry @mfa_russia in charge of the 🇷🇺#RussiaUS🇺🇸 humanitarian ties
➡️ https://t.co/JxYrEdqoig pic.twitter.com/9Mo6CDxLF7
— Russian Embassy in USA 🇷🇺 (@RusEmbUSA) August 4, 2018
Cuhleiah Russia-Us pehzomawknak hngetkhoh dingin US hrang Russia palai ṭuan dingin Russian Foreign Ministry in hnaṭuan a pe a si.
