Ceet fim in Leitlun ni netabik Selfie zuk mi ziangvek a si ding ti a pholang

Leitlun ni netabik selfie zukmi ziangvek a si ding ti`n Ceet fim (AI : artificially intelligent) thu an sut ih zuk a pholang mi pawl cu rapthlak um zet.

TikTok ah “Robot Overloads” timi hmin hmangtu account pakhat in “ni netabik selfie zuk mi ziang vek a si ding ti`n AI ka sut ih zuk in hmuh mi pawl cu himi a si” ti`n video tawi a tarlang cih.

Zuk suah tu DALL-E tiih koh mi ceet fim AI image generator cu kum 2021 ih tuahmi a si ih, Internet ih zuk million lenglo zoh terin fim an zirh mi a si.

Mirang ṭong pangai in ca ngan thawn thu sut theih dingih tuahmi a si ih thu sut mi pawl cu zuk thawn a sang let hai.

A hmin “DALL-E” timi cu kum 2008 ih Disney zuknung suahmi Wall-E le Spain artist Salvador Dalí hmin kom in an phuah mi a si.

Leave a Reply

Your email address will not be published. Required fields are marked *