Capitol Hill innpi hmai ih India Thantar rak zaap ve ciamcotu an zingzoi suak
Pu Trump ṭantu pawl ih US Congress innpi Capitol Hill luhcilh lai cu leitlun ram tinkim in an rak thlir cio ih India ram mipi khalin an rak thlir ve.
Capitol Hill hmai ih mipi pawl cun US thantar, Pu Trump ṭanpinak thantar tamzet an zaap ciamco. Culai lakah mibur lak ih mipakhat in India thartar a rak zaap ve ciamco cu India mipi an mangbang thluh.
Why is there an Indian flag there??? This is one fight we definitely don’t need to participate in… pic.twitter.com/1dP2KtgHvf
— Varun Gandhi (@varungandhi80) January 7, 2021
Pu Trump dinpitu lakin ramdang thantar rak zaap ve ciamcotu khal an um nan zohmawilo buainak lak ah zobikin India thantar a rak zaap timi cu India mipi in theifiang an duh.
Cupai` zuk cu online ah an theh darh ciamco ih a netnak ahcun zo a si timi an thei suak. Manorama News in pehtlaihnak an nei ih a mah cu Kochi, Kerala, India mi Vinson Palathingal (Vincent Xavier Palathingal) a si tiah an tarlang.
Whoever is waving this Indian flag should feel ashamed. Don’t use our tricolour to participate in such violent & criminal acts in another country. pic.twitter.com/CuBMkq9Siu
— Priyanka Chaturvedi (@priyankac19) January 7, 2021
Amah hi US ram ih a umnak kum 30 lenglo a rei zo ih tufang ah Chairman dinhmun in Accubits Technologies ah hna a ṭuan. Tlawngta dinhmun in kum 25 a si ah US ram a thleng ih democrats ah a um lawk nan Republican ah a ṭhawn sal.
Palathingal in ‘Stop The Steal/Save America’ cangvaihnak ih a tel naksan cu Manorama News hnen ah simfiahnak a nei ih amah cun “Republican politician ka si. 2020 US rampi hrilawknak ah vote ti cingpeng hrimnak a um timi zumnak ka nei ruangah cangvaih nakah ka tel mi a si” a ti.
Manorama News in innpi sungih luttu cangvailuar pawl lakah na tel maw tiah an sut tikah “pro-Trump pawl hminsiater duh ah pawlkom dang an hrolhawk mi a si” a ti.
Here is the douche who carried and waved Indian Flag at Capitol Hill Building, Washington DC. pic.twitter.com/va6zc6Y1tN
— Drunk Journalist (@drunkJournalist) January 7, 2021
India thantar a hmang mi thu ah “ramdang mi khal an tel tam. Vietnam thantar, Korea thantar, Iran thantar khaitu le ram dang mi an tampi. Cumi lakah India khal kan telve timi ka langter a si”.
“US rampi hrilawknak ih Pu Trump vote tu mipum 74 million lenglo ah zaṭek 80 cun vote firawknak a um tiah zumnak kan nei. Cucu Pu Trump ih aupimi khal a si ih kan nih Republican politician pawl cun ka pu ih aupimi cu kan thlun ṭul a si” a ti.
