Boruak hlum tuk ruangah China Lilawn amahten Kiak

Boruak hlum tuk ruangih China Lilawn amahten a kiak mi video tawi cu atufang online ah a lar zet.

Lilawn hi kum 20 hrawng rei zo a si ih China ram, Qianzhou khuahlan khawpi ih um mi a si.

Taluk media tarlang dan ah Lilawn kiak hi July 23 ah a si ih, hih ni ah khuahlumlam 40 degrees Celsius a si. Khawsung ih vak buut sia deuh hruh ṭhenkhat tla cu an buut tanglam a seeng/hnang thei thluh ti a si.

China ram hi tuhlan hnakin hlum lam a pan vivo ih tubai khalah khuahlum ruangah siizung thleng an um hnihthum.

Cloudburst tiih kohmi rinlopi tlangpar ruahceennak ruangah Tii a lian ih Loram le inn siat harsatuar khal an um.

Hiitih rinlopin siatralnak a suak ṭheu mi cu Nikhua lam thiamsang pawl in Leitlunhuap boruak thlengawknak mawh an puh bik a si.

Leave a Reply

Your email address will not be published. Required fields are marked *