Aizawl inn cim ah nauhak 2 telin mi 4 thi

June 11, zaan nazi 9:30 hrawngah Aizawl, Thuampui veng ih Pu Lalbiakzuala tei` inn luah mi cu tlunlam Lung remmi in a cim siat ih naute 2 telin mi 4 an thi.

Pu Lalbiakzuala te innsang ah member 7 an um ih inn cim lai ah an tlangval Lalremruata cu inn ah a um lo ih a him.

Culodang 6 cu inn cim in a soi cih ih innteekpabik Pu Lalbiakzuala cu amahten haiaw suak theiin natukin hriam a tuar lo.

Inn cim lakih telve Zairimawii khal kiangkap venghnen pawl in an hawl ih caan tawkmawi rei hnu ah nung dam in an run suak thei. Culodang naute 2 le kum 16 mi nunau 2 cu thicia in an phorhsuak tiah theih a si.

Vanduaithlak zetih thih hloh tong mi 4 cu kum 16 mi Lalthlanuami le Laltanpuii, kum 5 mi Joseph Lalrinhlua le Kum 3 mi Lalngaihsaka te pawl an si.

Leave a Reply

Your email address will not be published. Required fields are marked *