Aizawl palik in puak kuai thei ralthuam bungrua tampi an kai bet

Aizawl, Kulikawn palik in Kelsih khua kiang ih ralthuam tampi an kai ngah mi hnungzulin an phurnak mawṭaw thawn an kai tel cihmi mipakhat hnen ihsin puak kuai thei ralthuam bungrua tampi an kai bet tiah theih a si.

May 1 zinglam khawvang hlan ah Aizawl, Kelsih khua kiangah Kawlram ih phurlutding zum a ummi ralthuam tampi cu Assam Rifles ralkap pawl in an kai ih, bungrua neitu siseh ralthuam zaten Kulikawn palik kut ah an ap.

Ralthuam bungrua thawn pehpartu mi 4 an kai cih ih Kulikawn palik zung ah thubuai tuah sak an si tiah theih a si.

An 4 in thu sut an si ih ralthuam neitu tiih ruahmi Lalrinsanga relmi vekin palik kut ih um Lalbiaktluanga tei` godown an ceek ih puak kuai thei Gelatin bur 103 an hmu bet. Bur khat ah Gelatin fung 200 a telih a zaten fung thawng 20 luan hrawng a si.

Puak kuai thei ralthuam an retnak hmun cu Aizawl, ITI Veng ah a si ih, Mizoram palik cun thuhla felfai phorhsuak thluh dingin kan zirzoi vivo ding ti`n Twitter ah an tarlang a si.

Siarbet : Aizawl kiangah Kawlram phurlut dingmi ralthuam tampi an kai

Aizawl kiangah Kawlram phurlut dingmi ralthuam tampi an kai

Leave a Reply

Your email address will not be published. Required fields are marked *