Afghan President in paisa fai $169 Million a tlan pi

August 15 ah Taliban ralhraang pawl in Afghan khuapi an luhcilh hlan ah rampi president Ashraf Ghani cun ram a suahsan tiah thuthang a suak nan khawi lam a pan timi cu thu felfai a suak lo.

Nan, a tu ah Dubai (UAE) cozah in milai zawnruatawknak zawngin an ram ah beunak an pe ih paisa a tlanpimi $169 million thawn an cohlang zo tiah thuthang a suak a si.

Metro Online ih ngan mi vek a si le Ghani hin helicopter khat in $169 million thawn zat aw mi an ram paisa a tlanpi hlei ah paisa ben khat thluh mi mawṭaw 4 a tlanpi ti a si.

Tajikistan ram ih Afghanistan embassy khalin Ghani paisa tlanpi thu cu an nemhnget ih “mipi neihsiah firtu” tiah puh in Interpol hnen ah kaih sak dingin an dil.

Embassy ih ṭuanvonei Nikita Ishchenko cun “mawṭaw 4 ah paisa an ben khat thluh hnu ah Helicopter ah an thun bet. Nan, a zaten a tlem lo ih paisa ṭhenkhat cu Leipar ah an tan ta” a ti.

President Ashraf Ghani ih tlansanmi Afghan ram cu a tu ah Taliban ralhraang kut ah a um ih, Taliban lal nak ni 3 hman kim hlan, August 18 ah an mah dodal in lamzawh duhphorhnak neitu mi 3 an kap that zo hlei ah an kut tuar in hliam tuartu mipi tamzet an um tiah theih a si.

Leave a Reply

Your email address will not be published. Required fields are marked *