Afghan actress, film director Saba Sahar, meithal thawn an kap

Afghanistan ram ih hmaisabik Numi film director Saba Sahar (kum 44) cu motor a to lai ah misual pathum in meithal thawn an kap tiah BBC cun a tarlang.

August 25, Afghanistan khuapi Kabul ih thilthleng a siih motor thawn hnaṭuannak lam pan ih a feh lai cu misual pathum in meithal thawn an kap. Motor sungah minung 5 an to ih a mawngtu le nauhak pakhat cu an him dam. Amah le bodyguards pahnih in hrimhma an tuar.

A nih hi Afghanistan ramsung ih mi lar actor, director hminthang a si hlei ah women rights campaigner a siih innsang neizo a si.

Saba Sahar pasal Mr Zaki cun, “Inn in a suak hnu minute 5 hrawng ah meithal kap awn ka thei ih Kan nu ka phone lohli cu ‘meithal thawn ka pum ah in kap ngah’ a ti.”

“A hmun ka va thleng cu hriamhma tuar in ka va hmu hai ih sizung lam ah kan tlan pi lohli.” tiah BBC hnen ah a sim ih “tu ahcun operation khal tlungten an tuahsuak zo” a ti.

Hih thuhla thawn pehpar in Human Rights pawlkom pakhat a si mi Amnesty International cun “tu lai fang ah Afghanistan ram ih film actors, political activists le human rights defenders cu misual pawl in an bat cuang ih an him lo zet” tiah a tarlang.

Leave a Reply

Your email address will not be published. Required fields are marked *