US cozah mit ah Myanmar rampi cu Leitlun ram ṭihnung bik 3nak a si
US cozah in leitlunhuap ih vakvai a ram mi le sa pawl him thei nak dingah khualtlawn sukso ṭihnungmi ram pawl a thar in a tarlang ih, asangbik ralrin a pe mi ram pawl ah Myanmar a tel ve.
US mi le sa thuron a pe mi cu level 1, level 2, level 3, level 4 ti`n a hranhranten ṭhenṭhek a si ih, asangbik ralrinpeknak cu level 4 a si.
Khualtlawng hrimhrim loding tiih ralrin an pe mi cu level 4 hi a si ih, cumi ah ram 20 telin Kawlram hi 3nak ah a um. July 19 update mi ah ram ṭihnung 7nak ah a um nan, caan malte sungah ṭhat lo lam a pan cak zet.
Ṭihnung ram pawl an tah dan hi atufang thil cang rero lai mi siseh, Rampi cozah mizia le ramdangmi bat ih cangvaitu misual pawl thawn khal a pehpar ih, atu Myanmar ram dinhmun cu July 26 ih update mi a si.
US cozah cun lo theih lo in ram ṭihnung ih khualtlawn ṭul a ram mi le sa hrangah thlun dingmi thuron a hranten a tuah ih, nazi kaar dan in thlengdanglamnak a um thei ruangah mah le ṭul hei cio zirin an awann ngai ṭha dingah a ram mi le sa thu a than a si.
US cozah in atufang, Kawlram hnak ih ṭihnung tiih a hmu mi ram hnih an um ih, pakhat cu Russia ram, a dang pakhat cu Mali ram tipawl an si.
We issue Travel Advisories using Levels 1 –4. Level 1 is the lowest level of risk and means exercise normal precautions. There is some risk in any international travel. Conditions in other locations may differ from those in the United States. https://t.co/yTdCXCafpb pic.twitter.com/wUfo5RHeaV
— Travel – State Dept (@TravelGov) August 17, 2022
Ziangruangah US mi le sa hrangah Russia ram ṭih a nung cuang?
1. An ram buainak a um hlei ah Cozahpi dik lo zet in hna an ṭuan ih US cozah mit ah leitlun ram ṭihnung bik pakhatnak a si.
2. US cozah in pursum tuahnak a kham mi par ah Russia cozahpi a lungawi lo ih a ramsung um US mi le sa par ah dik lo zetin hma a la.
3. Acozah rori in diklo zetin US mi le sa a kaikhih ih awmanglo zetzet in thu a ṭhen sak.
4. US credit card le debit card pawl Russia ah hman a theih lo ih paisa kuataw tik khalah rikhiah an tuah sak.
5. Thubuai an nei tikah US Embassy ngaihven an siang lo. Ngaihven siang cin an nei nan ṭhathnemnak a um tuklo ih mahte talbuai a ṭul.
6. Khua ṭhenkhat ah paisa fai an deih aw lo ruangah ṭul poimawh caan ah vansang an lam.
7. Pulhnat karh zual nak hmun a um ih a him lo zet.
8. US cozah in Russia par ah thuneihnak zianghman a nei lo ruangah Russia ah khualtlawng lo dingin le a um cia pawl khal ram suahsan dingin US cozah in mipi thuron a pe.
Russia Travel Advisoryhttps://t.co/BtZqNlfgN0 pic.twitter.com/oSv0UWCjab
— FOM (@FOM66530376) August 28, 2022
Ziangruangah Mali ram a him lo?
Mali cu Africa ih rampi pakhat a si ih kan rampi bangin ralkap in ukhruai thuneihnak an la ve.
Kum 2012 ah hriamkai pawl in Mali ram ṭhenkhat an la ih April thla ah ramkulh thar a si ti`n thu an phuang.
Culai ah hriamkai ralkap dang in rampi ukhruai thuneihnak an la ih hriamkai ciocio hmuaw thiam loin an um.
Biaknak hmin thawn a feh mi hriamkai telin ralkap pawlkom dangdang an tam ih hmun ram cuhaw in an do aw ṭheu.
Culai ah hriamkai ṭhenkhat in ramdangmi, abikin US ram mi bat in mi an kidnap hmang ih, duh vekin paisa an dong lo ruangah thah tuar an tam zet zo.
Kum 2012 ihsin ramsung buainak a sosang ih, tuni tiang ralkap kut ah ukhruai thuneihnak a um ruangah zozo hrang khalah Mali ram a him lo.
https://t.co/so8IV58HXI pic.twitter.com/60TIVpsPs1
— FOM (@FOM66530376) August 28, 2022
US cozah in atufang Kawlram dinhmun a tah dan phun 5 ….
1. Ralhraang ralkap in rampi ukhruai thuneihnak an la ruangah mipi lungawilo in ramsung buainak a suak ih sim cia theih loin hmun dangdang ah rinlopin buainak a suak thei.
2. Pulhnat dokhamnak buangrua le healthcare resource ṭhiṭha nei lo.
3. Rinlopi le Dik lo ih kaihkhihawknak a tam. Ziangtiklai khalah zovek a si ti um lo in kaihkhihawk an hmang.
4. Chin, Kachin, Kayin, Rakhine, Shan, Sagaing le Magway ram pawl ah ralhraang ralkap le mipi ralkap an do aw ih hmun him lo a tam.
5. Saklam Shan ram, Chin, Kachin, Rakhine ram ṭhenkhat pawl ah theihthiamhar leiphum bomb a tam. Bomb pal puak ruangih hriamtuar ramdangmi an um hnihthum zo. Curuangah US cozah in kan rampi cu leitlun ram ṭihnung bik pathum nakah a ret.
Burma (Myanmar) Travel Advisoryhttps://t.co/9TgR3hWpn8 pic.twitter.com/MdFKyk2Tb6
— FOM (@FOM66530376) August 28, 2022
