2022 Beijing Winter Olympics onpuai cu dangdai zetin tuahsuak

China : Beijing 2022 Winter Olympics onpuai cu February 4 ah ropi zetin Beijing National Stadium ah an tuahsuak a si.

Inntek China ram hruaitu Xi Jinping in a ong ih, puaipi ah khuallian dinhmun in Russia hruaitu Vladimir Putin a tel ve.

International Olympic Committee President Thomas Bach in thucahtawi a sim ih phunhnamdang ti umloin Leitlun mipi zaten lungrual remdaiten Ke kar tlang a duh thu a rel.

Voi 24nak Winter Olympics puaipi ah leitlunhuap ram 91 ihsin lehpannak phunphun hrang mipum 3000 kim zik an tel.

Covid boruak ah le Mihring painvo ziangsiarlotu tiih China cozah soiselnak a tam zet lai ah 2022 Beijing Winter Olympics onpuai cu tluagten an tuahsuak thei a si.

Olympics lehpannak pawl cu onpuai an tuah hnu in nei ṭan cih a si ih, February 20 tiang pehzom vivo a si ding tiah China hrambun thuthang pawl in an tarlang.

Leave a Reply

Your email address will not be published. Required fields are marked *