Zayar Thaw hminpu raldonak ihsin ratlungtu Mipi ralkap pawl an hmuak

Ralhraang ralkap thlai that mi Phyo Zayar Thaw ih hminpu, Operation Zayar Thaw raldonak ihsin ratlungtu mipi ralkap pawl cu hluanghlai zetin khawmi pawl in an rak hmuak.

Ralhraang dotu hi mipi ralkap ṭangkop pawl an si ih, Magway ramṭhen, Pauk myone, Tatkung khua ih Pyosawṭhi ralhraang sakhaan cu July 26 zinglam khawvang pek ah an kap.

Zinglam nazi 7 tiang, nazi 2 sung cangvaihnak an nei ih kahdonak ah ralhraang ralkap le pyosawṭhi 7 an thi tiah Young Revolution Front in thu a suah.

Doawknak ah ralhraang meithal 1, Uzi cerek 24, G3 cerek 3, 5.56 cerek 69, kutken bomb 1 le cerek dangdang pawl an lak sak ih ralhraang uniform telin phone le thil dang an lak sak mi bungrua pawl an pholang cih.

Doawknak ah mipi ralkap a si mi YDF Saw, SPGF, Yenangyaung PDF, PPC, Pauk PDF, CAF – SPU PDF le Young Revolution Fornt -YRF tipawl an tel ih mipi ralkap lam ah hriam tuar le khawngaw umloten dung an sip thei sal a si.

Leave a Reply

Your email address will not be published. Required fields are marked *