Zaw Min Tun in Russia-Ukraine thu ah a hmuh dan point 2 a rel ve

Ralthuam rin san ih puarthau veve tiah SAC ralhraang cun Ukraine ram luhcilhtu Russia cozah cu tha a pe zet.

February 24 ah, Russia-Ukraine buainak thu thawn pehparin VOA in SAC ralhraang thuphuangtu Zaw Min Tun thusutnak an nei ih Zaw Min Tun cun an tuah ṭul mi si ko a ti.

Zaw Min Tun cun VOA thusutnak cu point 2 in a let ih “pakhatnak ah Russia in rampi ukhruainak hngetkhoh dingin hmalaknak a nei mi a si ih an tuah ding hrimhrim si ko tiah ka hmu.”

“Pahnihnak ah leitlunpi remdaihnak hrangah ramdang rualin kan ding thei ve. Midang rualin kan thazang a cak ve timi kha leitlun hmai ah an ti lang ve” tiah a ti.

SAC ralhraang le Russia cozah cu ralkap pehzomawknak hngetkhoh dingih lungrualtlang an si ih, SAC ralhraang in rampi ukhruai thuneihnak a la hnu ah Russia ralbawi Kawlram ah a ra tlawng bangin Min Aung Hlaing khal Russia ram ah a tlawng ve ih rampi humvennak hrang hnaṭuantlang thei dan ding le Southeast Asian ram pawl ih Politic lam ṭhansonak thu pawl an reltlang a si.

Leave a Reply

Your email address will not be published. Required fields are marked *