Zarhkhat fai Kawlram khua ṭhenkhat a thim ding

Myanmar rampumhuap khua ṭhenkhat ah zarhkhat pumhlum meisa a siat ding thu, SAC ralhraang in mipi thu a than.

Aralai dingmi March 12 ihsin 18 tiang zarhkhat fai, nazi 24 sung meisa a thi ding tiah SAC ralhraang in thu a than a si.

Meisa ser theitu leihnuai datkhu khur thar hmun 2 hmuhsuah a si ih, pipe line pawl vuah ding a si ruangah, hnaṭuan ṭan thok hnu March 12 ihsin 18 sung cu rampumhuap datkhu tha hmang meisa pawl phit sung a si ding tiah SAC ralhraang in thu a suah.

Tuhlan ah rampumhuap meisa tha suah tambik cu 4200 megawatt a si ih, tudinhmun ah SAC ralhraang in 2177 megawatt hrawng lawng a suah thei.

Cuhleiah datkhu pipe vuah ding boruak ah 1304 megawatt timal bet ding a si ih, cuih boruak ah rampumhuap in 873 megawatt lawng meisa an suah thei tum.

Thilman kai ruangah le Biluchaung Power Plant tisiat a si ruangah rampumhuap hrang meisa an suah tam thei lo tiah theih a si.

Leave a Reply

Your email address will not be published. Required fields are marked *