Zaan thim hnu ah Khine Thin Kyi ih pasal Ko Khant Naing an kai

Kawlram mihminthang Lemcangthiam Khine Thin Kyi ih pasal Ko Khant Naing cu SAC ralhraang ralkap le palik pawl in April 27 zaan thim hnu ah a umnak inn ah an kai tiah theih a si.

Ko Khant Naing kaihkhih a si thu cu a sungkhat naivai pawl in internet cahmai ah an tarlang zo hlei ah an kaih lai fang, inn sung ihsin ṭap phah ih an zuk mi video tawi khal online ah a darh.

An kai nak san hi ralhraang lam in cipciar in an pholang hrih lo nan ralkap dodaltu a si ti`n heeknak a um ruangah an kai mi a si ti`n ramsung media ṭhenkhat in an tarlang.

Kan dung baite ah ralhraangbawi Min Aung Hliang in micuangce sunloihnak laksawng cu Khine Thin Kyi a pe nan a cohlang duhlo ruangah laksawng pekmi hmin cazin ihsin a hmin an malh saal.

Miṭhen cun a pasal an kai nak san cu cuih thuthawn khal a pehaw thei tiah an zumnak an rel a si.

Leave a Reply

Your email address will not be published. Required fields are marked *