YDF in Lamlak ihsin Ralhraang pawl cil nuai

Gangaw-Kalay ziinpi ih SAC ralhraang mawṭaw tlar cu August 23 zaanlam ah Yaw Defense Force pawl in bomb thawn an rak puah ih ralhraang 30 lenglo an thi tiah YDF in thu an suah.

Yaw Defense Force in lamziin lailak ihsin an rak do mi ralhraang pawl cu mawṭaw 8 thawn an si ih Ṭamu lam ih ralkap thazaang thar an kuat mi a si tiah thusuahmi ah an tarlang.

Ralhraang mawṭaw 8 ah 4 cu a puak siat thluh ih mithi 30 hrawng le hriam tuar 10 hnak ih mal lo an um tiah YDF ih ṭuanvonei U Wai Soe Htet in a ti.

U Wai Soe Htet cun “Bomb a puak hnu dung an kir lai ah ralhraang lam khal in meithal an hmet puak. Kan lam ah hriam tuar 2 an um” a ti.

Tu thla thok lam khalah Gangaw-Kalay ziin ah YDF in lamlak ihsin SAC ralhraang pawl an rak do ih ralhraang lam ah mithi le hriam tuar an um tiah theih a si.

Leave a Reply

Your email address will not be published. Required fields are marked *