Yangon-Mawlamyine Tlangleng lamzin ti siat tum

Yangon-Mawlamyine Tlangleng lamzin bomb puah an tum thu Thaton PDF in tuni ah thu an suah.

Cuih Tlanglengzin cu SAC ralhraang in hriamhrei ralthuam phunphun siseh, hmunhla ih umtu ralhraang ralkap hrang ei-in thilphunphun phurnak ah a hmang mi a si ruangah bomb thawn puah siat an tum.

“SAC ralhraag in Yangon-Mawlamyine Tlangleng lamzin cu ralthuam le thil phunphun phur nakah a hmang ti`n kan thei.”

“Curuangah khat le khat pehzom aw thei lo dingin Thir tlanglengzin cu bomb thawn kan puah siat ding” tiah Thaton PDF cun tuni February 25 ah thu an suah.

Cuvek a si ruangah tukaar sung Tlangleng to lo dingin Thaton PDF in mipi hnen ah simtheinak an nei cih.

Yangon-Mawlamyine Tlanglengzin cu Mon ramkulh, Thaton khua a zawh ve ih, Thaton PDF cun ziangtik hrawngah cangvaihnak an nei ding ti cu an phuang lo.

Leave a Reply

Your email address will not be published. Required fields are marked *