Yangon khawsung ih cangvaitu Dark Shadow ralkap zaten Ralhraang in an kai

Yangon hrambun mipi lamṭang Dark Shawdow ralkap pawl cu Ralhraaang SAC ralkap in an kai thluh tiah theih a si.

Minung ziangzet an si ti cu tarlang a si lo ih, SAC ralhraang in pawlkom sungtel zaten an kai thluh hlei ah miṭhenkhat an kap that tiah Dark Shadow FB cahmai kaitu admin Korea in People’s Spring hnen ah a sim.

“An zaten an kai thluh. A tlan mi khal an um ih ralhraang SAC ralkap pawl in an kap that” tiah amahcun a sim.

Dark Shadow ralkap pawl cu ralhraang Check gate pakhat an thlen ah thusut le check awknak a um ih, cutin ralhraang SAC ralkap in an kai tiah amahcun a rel bet hrih.

Dark Shadow pawlkom cangvaihnak ni netabik cu April 25 ah a si ih, cumihnu ni ziat hrawng ah kaih an tuar tivek cu tarlang a si lo.

Ramsung media ṭhenkhat cun Dark Shadow sungtel mino 14 an kai ih pakhat an kap that tiah an tarlang a si.

Leave a Reply

Your email address will not be published. Required fields are marked *