Yangon khawsung hmun dangdang ah a pehpehin puak kuai thawm a thang

December 28, zaanthim hnu ah Yangon khawsung veng dangdang ah a pehpeh in puak kuai thawm a thang tiah theih a si.

Amalbik hmun 5 tal ah puak kuai thawm an thei ih, Helicopter thawmvang a theitu khal an um.

Hih thuthawn pehpar in tualsungum pawl hnen ihsin thuthang dongtu MKT cun “Kyeemyindaing, SinmaLaik, NatSin lamziin kiangkap ah puakkuainak a suak.”

“Hledan, Yankin, Kyauk Myaung lam khalah a ring zetmi puak kuai thawm an thei ih Hlaing lam khalah cuvek thotho. SawBwarGyiKung lam ah cu Helicopter zam awn an thei” tiah tualsungum hnen ihsin thuthang a dongmi a tarlang a si.

Yangon hrambun thuthang ṭhenkhat khalin puakkuainak a suak thu an tarlang nan, zo pawl ih puah mi ti siseh, hriamtuar le mithi an um le umlo tvk cu fiangfai in thuthang a suak hrih lo.

Leave a Reply

Your email address will not be published. Required fields are marked *