Yangon ih Voi 30 luan bomb puak cu AAF cangvaihnak a rak si ziar

Kawlram a buai hnu march thla lam ihsin Yangon hmun hranhran ah puaikuainak a suak mi hmuh ding a um thok ih cumi puakkuainak 30 lenglo cu ဖက်ဆစ်ဆန့်ကျင်ရေး လက်ရုံးတပ်ဖွဲ့ (ဖ.ဆ.လ.တ – Anti-fascist Armed Forces – AAF) cangvaihnak a si tiah an mah AAF in official in an phuang.

Hitiih an phuang naksan cu SAC ralhraang in Inn le Lo siseh, khuatlang mipi umnak hmun pawl ih thil an siatsuah mi le bomb an puah thup mi tvk cu Dothleng cangvaihnak neitu pawl puh thluh in Leitlunpi hmai ah samari miṭha ṭuan tumin tumtah nei in TV sung tiang an phuang ṭheu ruangah a si ih, cuvek thilsual le puakkuainak hmuahhmuah cu mipi humtu lam ih cangvaihnak a si lo timi langter duh ah AAF in cangvaihnak an nei mi pawl mipi hmai ah an pholang hi a si ih a ra lai ding tikcucaan khalah pholang an tum vivo thu an tarlang a si.

Voi 30 lenglo cangvaihnak an nei mi lakih an fuh bikmi cu March thla ah voikhat, April thla ah voihnih, May thla ah voithum, June thla ah voihnih tipawl an si ih, cumi cangvaihnak ah SAC ralhraang thawn pehtlaihawknak neitu mipum 22 (amalbik) an thi ih minung 25 lenglo in hriam an tuar. Cukhalcu nemhngetmi lawng tarlang a si ih atakah cuhnakin mithi le hriamtuar an tam thei a si.

Yankin Township, Ministry of Home affair zung, Mingaladon Township, tatyin pakhat ih bombpuahtu le tubaite Yangon khuasung ih ralhraang mawṭaw bombpuahtu khal an mah AAF cangvaihnak a si.

Casuahnak an nei mivek a si le ဖက်ဆစ်ဆန့်ကျင်ရေး လက်ရုံးတပ်ဖွဲ့ (ဖ.ဆ.လ.တ – Anti-fascist Armed Forces – AAF) cu tubaite ih dinmi siloin March thla lam ih ပြောက်ကျား စနစ် cangvaihnak a um thok ihsin rak cangvai rero zotu an si ih, Dothleng cangvaihnak ih pawlkom pawl funtom in tluang zetih hmalaknak nei thei dingin cangvai rerotu pawlkom an si.

Leave a Reply

Your email address will not be published. Required fields are marked *