Yangon ih um pawl Bus kan to tikah ralring cio uh si

August 22, zaanlam nazi 4 hrawngah South Okkalapa Township, veng pakhat ihsin YBS 6 mawṭaw (zuk ih lang mi) ka to.

Paisa nawi ka nei lo ruangah zuk ih tarlangmi mawṭaw thluntu hnen ah 1000 ca ka pe ih 500 lawng in khirh. Neta ah in khrih tum siding tiah ka ruat ih zianghman ṭongloten ka to men.

Kaba Aye Pagoda bus cawlh nak kan thlen ah “1000 ca ka lo pek ih 500 lawng in khrih lai” tiah mawṭaw thluntu hnen ah ka sim.

Mawṭaw thluntu cun Saw Bwar Gyi Hill (စော်ဘွားကြီးကုန်း) luan cun kyat 500 a si tiah in ti. Kei khal cun a dik lo zawng ih paisa in lak mi duhloin “himi mawṭaw cu kyat 200 thawn kan to ṭheumi a si. Tuvek boruak ruangah 100 an ṭhan ih mawṭaw to man ah kyat 300 kan pe ṭheu” tiah thinlung thiangten ka sim.

Zuk ih tarlangmi mawṭaw thluntu cun kutthlakduh mithmai pu in thinheng zetin i hringhro ciamco ih mawṭaw par ihsin in dawi ruangah daiten ka ṭum men.

Hngilh lo nakah ti`n mawṭaw number ka zuk lai ah mawṭaw thluntu cu a ra ṭum ih ka Liang le Awwm in in tul ciamco. Culaiah mawṭaw mawngtu siding zum um mi kum upa lam mipakhat cu thirfung keng in a ra ṭum ve.

Nazetih kut thalkawknak cu a suak lo nan tu ih ka hmuh ton mi hin khuatlang mipi tlanlennak hmun pawl khal hi a him lo zia a lang ter a si. Khuavanglai rori ah mipi catbanglo ih tlanlennak hmun ah hmuhsuam ka tuar nan i run tumtu mipakhat hman an um lo. In hiil vialvial ih in zoh men. An um dan cu pakhatkhat ka cang pang le siizung lam ko saktu men ding fang khi an bang.

Himi ca hi 100-200 sung ruangah tuar na ih ngan hrim mi a si lo. Mipuarthau, mawh le mawh lo umloin kut thlak hluahhlo hrehlotu thawngtlak suak pek vek mawṭaw thluntu an tam timi ka tarlang duh ruangah a si.

Curuangah bus kan to tikah a cang thei cun mawṭaw thluntu umlomi to thei sehla a ṭha sawn ding tiah ka hmu. Pakhatkhat kan cang pang cun zoi fa saw a si, zo so kan theih ter ding tivek hman theitheihlo tikcucaan kan thleng ruangah kan him theinak dingah khawi kan feh khal a si le mah le mah humaw hi number 1 ah retin fimkhurten um zuam cio uh si.

(Himi ca hi ngan a ṭha pei maw ti`n nihnih sung ka ruat ciamciam hnu ih ngan mi a si – San Linn Phyoe)

Leave a Reply

Your email address will not be published. Required fields are marked *