Yangon ih American Center innpi an kap
Yangon, University Avenue ih um American center innpi cu March 27 ah meithal thawn an kap tiah theih a si.
Khawngaw le hliamhmatuar cu an um lo tiah U.S. Embassy Burma in a tweet nan zo pawl ih kah mi a si tivek cu an ngan tel lo.
“Yangon ih American Center cu March 27 ah meithal than an kap tiah U.S. Embassy in a nemhnget a si. Khawngaw le hliamhmatuar cu an um lo. Thil umdan zingzoi a si rero lai” tiah U.S. Embassy Burma cun official in twitter ah a ngan.
The U.S. Embassy confirms that shots were fired at American Center Yangon on March 27. There were no injuries. We are investigating the incident.
— U.S. Embassy Burma (@USEmbassyBurma) March 27, 2021
American Center cu US nunphung, Technologies lam tivek le mirang ṭong zirnak dingah U.S. Embassy in a ong mi a siih a lak in Myanmar mino pawl thiamnak an zir ter ṭheu nak centerpi a si.
Kawl ramkap in Myanmar rampi cozah thuneihnak an la thu ah US ram in nasazet in a soisel ih ralkap bawi ṭhenkhat le an sungte pawl khal pursumnak lam ah hremnak a pe hai a si. (RFA)
