WHO hrang hnaṭuan Myo Min Htut thattu kan kai zo ti`n an phuang

WHO staff Myo Min Htut thih thu thawn pehparin ralhraang thuthang pholang ṭheutu media pawl ah a thattu le an mah thawn pehpartu kaihkhih an si zo tiah tarlang a si ih mithat puh tuar pawl ih zuk khal tarlang a si cih.

An zaten mi 8 an si ih mithattubik tiih tarlangmi cu Bo Bo Aung (PDF bawmtu) a si ih, a fialtu hi Yu Yu Mon (PDF training kai suak) a si tiah an tarlang.

A bawmtu tiih tarlangmi mi 6 pawl cu Nan Twe Ta Oo, Ei Ei Phyu, Kyaung Lin Aung, Myo Ei Ei Tun, Naw Thaw Thaw le Nwe Nwe Win tipawl an si.

Ralhraang daankeelten ziangtin an kai ih an mah rori mithattu an si tiih an puh thei nak san thufelfai cu tarlang tel a si lo.

UN hnuai ih um WHO hrang hnaṭuantu Myo Min Htut cu June 8, zaanlam nazi 5 hrawngah Mon ramkulh, Mawlamyine khawsung mawṭaw cycle a to lai ah an kap that.

Kah that a si zaan ah People’s Defense Organization – Mawlamyine in an mah cangvaihnak a si thu, official in an phuang.

FB ihsin an hlon hlo zo mi People’s Defense Organization – Mawlamyine thusuah ahcun Myo Min Htut hi ralhraangbawi Lt. Gen. Aung Lin Dway sungkhat naivai a si ti`n an tarlang.

Cuhleiah “CDM tuahtu le sungkhat naivai pawl hringhro in, mi inn luhcilhnak tivek ah ralhraang ralkap a hoha ruangah le Dalan a si ruangah kan kap that mi a si” ti`n tarlang a si ih, PDOM cun voi 5 kan kap ih a hmun rori ah a thi cih ti`n thu an suah a si.

WHO staff Myo Min Htut an kap that thu ah UN le WHO Annkaa

Siarbet : WHO staff Myo Min Htut an kap that thu ah UN le WHO Annkaa

June 8, zaanlam nazi 5 hrawng ih kahthatmi WHO staff Myo Min Htut thih thu ah UN in a kap thattu a dem ih thufelfai zirzoi dingin le mithattu in a tuah mi par ah mawhphurhnak la dingin dilngennak thu an suah.

UN hnuai ih um World Health Organization Director-General Tedros Adhanom Ghebreyesus khalin siat tongtu sungkhat unau rualin an tuarpi ve thu, WHO aiawh in a rel ih “hivek cangvaihnak cu kan dem. Felfaiten zirzoinak tuah ding in le sual tuahtu in mawhphurnak la dingin kan beisei” tiah a ti.

Myo Min Htut cu Kawlram WHO zung hrang kum 5 lenglo mawṭaw mawng zotu a si ih, June 8 ah Mon ramkulh, Mawlamyine khawsung ah mawṭaw cycle a to lai ah an kap that.

Kah that a si zaan ah People’s Defense Organization – Mawlamyine in an mah cangvaihnak a si thu, official in an phuang.

FB ihsin an hlon hlo zo mi People’s Defense Organization – Mawlamyine thusuah ahcun Myo Min Htut hi ralhraangbawi Lt. Gen. Aung Lin Dway sungkhat naivai a si ti`n an tarlang.

Cuhleiah CDM tuahtu le an sungkhat naivai pawl hringhro in, mi inn luhcilhnak tivek ah ralhraang ralkap a hoha ruangah kan kap that mi a si ti`n tarlang a si ih, PDOM cun voi 5 kan kap ih a thi ti`n thu an suah a si.

Leave a Reply

Your email address will not be published. Required fields are marked *