Vui sual rual in PDF Sakhaan luhcilh

Kayin ramṭhen, PDF sakhaan cu October 14 zaan ah Vui sual rual in an luhhnawh ih Fang, Siti, ei-in dangdang le an bungbel pawl an siat sak thluh.

“Thlateel ih kan sak mi kan buuk cu a siat thluh. Buuk 12 hrawng cu in nuai sak ih ei-inding le siivai kan khawl mi pawl khal a siat tel” tiah PDF ṭuanvo neitu in KIC hnen ah a sim.

Vanṭhat nakah khai` zaan ah buuk sungih riaktu zohman kan um lo. Culo sisehla cu ruat ngam ding a si lo tiah amah cun a sim bet hrih.

Hramlak ih Vui sual vakvai pawl hi ṭih an nung zetih a rual ih an um lai ahcun meithal awn tivek khal an ṭih lo tiah Vui tamnak hmunram ih umtu pawl in an rel.

Vui tamnak Bago ram ahcun hramlak ih hnaṭuan le ramtawi pawl in hnar fimzet Vui sual pawl ṭih ah Fang, Ngasaro, ngapih tvk ei-inding an kenmi pawl cu leilung sungah an phum ṭheu.

An riahbuuk sehvel khalah Vui sual ra tikih thei theih dingin thilri awn theimi tivek an ret ṭheu ti a si.

Leave a Reply

Your email address will not be published. Required fields are marked *