UN ih ṭuanvonei Christine Schraner Burgener in SAC ralhraang a Dem

Myanmar thu thawn pehpar mi ah UN ih ṭuanvonei Christine Schraner Burgener (Special Envoy of UN Secretary) cun Myanmar mipi tiang a khawng ban mi ramsung ih a hraang zawng cangvaihnak a suak rero mi cu SAC ralhraang a lungruh tuk ruangah a cang rero mi a si a ti.

Cumicu a hnaṭuannak ih a hmuh ton mi pawl khaikhawm in a mai bulpak hmuh dan Twitter ah a tarlang mi a si ih “himi hin ka thin i ti nuam lo zet” a ti.

Christine Schraner Burgener cun “Myanmar mipi hmakhua hrang ah a ṭha thei bikmi mizapi thureltlangnak nei dingin kuthlan an si nan an cohlang lo. A neem zawng ih lairelnak an ngai poimawh lo zia a lang fiang zet.”

“Hriamkai cangvaihnak baak lo hril ding dang lamziin suak lo dingih kan kham thei lo mi cu poi ka ti zet” tiah a ti.

Tudinhmun ah Christine Schraner Burgener cu US, Newyork khuapi ah UN meeting a kai lai a si.

Leave a Reply

Your email address will not be published. Required fields are marked *