Ukraine kah nak ih an hman mi vek Russia raldo vanzam 6 Naypyidaw ah a thleng ding

Russia ralkap in Ukraine kah nak ih an hman mi vek, an ramsuak raldo vanzam, SU-30SME fighter Jet cu tuikaar ah Naypyidaw ah a thleng ding tiah theih a si.

SAC ralhraang in 2018 ah US dollar 200 million luan cem liam in Kawlram hrang lei dingih an rak biak cia mi a si ih, Russia ramsuak raldo vanzam 6 pawl cu zarhkhat sungah Naypyidaw ah a thleng ding tiah ralhraang sunglamthu pholangtu “Hram” pakhat cun a rel.

“Russia ram, Begovoy hrambun JSC Sukhoi company tuah SU-30SME fighter jet 6 cu March 10, 12 le 14 pawl ah Naypyidaw ah a thleng ding.”

“Kum 2018 lam ah biakremawknak an nei cia ih vanzam 1 ah US dollar 30 million luan man a si. Spearpart pawl thawn Naypyidaw ah a thleng ding” tiah hmin tarlang lomi “Hram” pakhat cun ramsung media hnen ah a sim.

NATO in Flanker-C tiih an koh mi Sukhoi Su-30SME fighter jet cu Russia in atufang Ukraine kah nak ih a hman mi raldo vanzam pawl ah a tel ve ih, Russia cozah ta Fighter jet ṭhabik top 5 ih tling ban ve a si.

Rocket le ralthuam phunphun bun theih mi Sukhoi Su-30 cu mipahnih to cii a si ih leipar kahnak ah siseh, vanpar doawknak khalih an hmang ṭheu mi Russia suak raldo vanzam a si.

March 6 : Ukraine ralkap in Russia Fighter Jet Sukhoi-30 an kah thlak mi video ….

**Hminsin : Su-30 Raldo vanzam 6 kuat ding thu cu Russian News Agency khalin January 22 ah a nemhnget zo nan, atufang an ram boruak thawn a ni an ṭhawn saal thei a si.

Leave a Reply

Your email address will not be published. Required fields are marked *