Tuzing, Tahan veng sung doawknak Thusuah

Tuni, June 15, zinglam nazi 9 hrawngin Tahan khuasung ah SAC ralhraang le mipi ralkap pawl nasaten an kapaw.

Ralhraang ralkap 100 hrawng cu Tahan Bualrawn ah umhmun khuar dingin an um ruangah mipi ralkap ṭangkop pawl in an do ih zinglam nazi 9 ihsin 10 tiang hrawng an kap aw.

Doawknak ah ralhraang ralkap lam mithi 2 an um ih hriam tuar 3 an um tiah doawknak ih telvetu CNO/CNDF in thu a suah.

Cuih caan thotho ah vengsung electric bill khongtu ralhraang pawl cu Hmunram kilhimtu mipi ralkap ṭangkop pawl in an kap ih ralhraang 2 thi in hriam tuar 4 an um ti`n CNO/CNDF thusuahmi ah tarlang a si ih “CNDF le Hmunram kilhimtu tangkop lam ihsin hliamtuar kan um lo” tiah an tarlang.

Tuhrawng hi Tahan khuasung ah kahawknak a um phahphah ih ralhraang ralkap in ralthuamtum an hmang nasat ruangah Inn le Lo siatmi tampi a um zo.

Tuni kahawknak khalah Inn siat mi um in boruak a sosang ruangah mipi pawl cu hmun rem naknak ah sahimnak hawlin an relh tiah theih a si.

Atu ca kan ngan tiang khalah ralhraang ralkap pawl cu Bualrawn kiangkap ah an um ih, cuih hmun ah umhmun an khuar ding zum a um a si.

Leave a Reply

Your email address will not be published. Required fields are marked *