Tuizaan ihsi thok Kachin ram hmun ṭhenkhat ah Internet hman a theih nawn lo

Kachin ram ih Internet line tower 50 lenglo cu phit thluh dingin August 20 zaan nazi 8 ah SAC ralhraang in thu an suah.

Phit dingih thu pek mi ah mobile internet, fiber internet le Broadband pawl khal a tel tiah Telenor ih hnaṭuan mipakhat in DNA hnen ah a sim.

“A caan ahcun thuphuangnak zianghman an nei hran lo. Cawp le cilh in nazi cu zat hnu ah phit uh. 12 luan hrawngin phit uh ti`n phone thawn mi an bia” tiah Telenor ih hnaṭuan mipakhat cun DNA hnen ah a sim.

Tuizaan, August 20 zaan nazi 8 ih internet phit an fial hnu ah Kachin ramsung hmun ṭhenkhat ahcun phone line pawl khal a pit thluh.

Tuvekih internet phit an fial tikah Telenor lawng siloin Operator dang pawl khal an fial tel tiah Telenor ih hnaṭuantu cun a rel nan DNA in a hranten nemhngetnak kan nei thei lo tiah an tarlang a si.

SAC ralhraang pawl hin NLD lal lai khalah Rakhine le Kachin ram an do tum tikah caan sau zet internet an phit ter ṭheu a si.

Leave a Reply

Your email address will not be published. Required fields are marked *